വീടുകളിൽ മരുന്നെത്തിക്കും; രക്ത സാമ്പിളുകൾ ശേഖരിക്കും: തുമ്പൈ
Mail This Article
ദുബായ് ∙ കോവിഡ് 19 പശ്ചാത്തലത്തിൽ ആവശ്യക്കാർക്ക് തുമ്പൈ ഫാർമസികളിലൂടെ മരുന്നുകൾ വീടുകളിൽ എത്തിക്കുമെന്നും സാനിറ്റൈസറുകൾക്കും അവശ്യ മരുന്നുകൾക്കും വിലകുറച്ച് ഓൺലൈനിൽ ലഭ്യമാക്കുമെന്നും തുമ്പെ ഗ്രൂപ്പ് എംഡി ഡോ.തുമ്പൈ മൊയ്തീൻ അറിയിച്ചു.
മെഡിക്കൽ വിദ്യാഭ്യാസ തുടർച്ച നഷ്ടമാകാതിരിക്കാൻ ഗൾഫ് മെഡിക്കൽ യൂണിവഴ്സിറ്റി ഇ -ലേണിങ് ആരംഭിച്ചു. ആരോഗ്യ മന്ത്രാലയത്തിന്റെ ആവശ്യമനുസരിച്ചുള്ള കിടക്കകളും ലാബ് ഉൾപ്പടെയുള്ള മറ്റു സജ്ജീകരണങ്ങളും ഒരുക്കിയിട്ടുണ്ട്.
ഡോക്ടർമാർക്കും മറ്റു ജീവനക്കാർക്കുമെല്ലാം പരിശീലനവും നൽകി. ലാബ് പരിശോധനയ്ക്ക് വീടുകളിലെത്തി സാമ്പിളുകൾ ശേഖരിക്കും. ബോഡി ആൻഡ് സോൾ ഹെൽത്ത് ക്ലബ് വഴി ഓൺലൈൻ ഫിറ്റ്നസ് ക്ലാസുകൾ നൽകും. ബ്ലെൻഡ് ആൻഡ് ബ്രൂ കോഫി ഷോപ്പിയിൽ രോഗപ്രതിരോധ ശേഷി വർധിപ്പിക്കുന്ന പാനീയനങ്ങളും സാലഡ് പാചകക്കൂട്ടുകളും പുതിയതായി തയാറാക്കിയിട്ടുണ്ടെന്നും അറിയിച്ചു.