ഖത്തറില്‍ കോവിഡ് ബാധിച്ച് രണ്ടു മരണം കൂടി; 1,830 പേര്‍ക്ക് കൂടി രോഗം

ദോഹ ∙ ഖത്തറില്‍ രണ്ട് പേര്‍ കൂടി കോവിഡ്-19 ബാധിച്ച് മരണമടഞ്ഞു. 50 ഉം 43 ഉം വയസുള്ളവരാണ് മരണമടഞ്ഞതെന്ന് പൊതുജനാരോഗ്യ മന്ത്രാലയം അറിയിച്ചു. അതേസമയം, മരണമടഞ്ഞത് പ്രവാസികളാണോ സ്വദേശികളാണോ എന്നത് അധികൃതര്‍ വ്യക്തമാക്കിയിട്ടില്ല. രണ്ട് മരണം കൂടി സ്ഥിരീകരിച്ചതോടെ രാജ്യത്തെ കോവിഡ് മരണസംഖ്യ 19 ആയി ഉയര്‍ന്നു.

കഴിഞ്ഞ 24 മണിക്കൂറിനിടെ 5,160 പേരില്‍ നടത്തിയ പരിശോധനയില്‍ 1,830 പേര്‍ക്ക് കൂടി രോഗം സ്ഥിരീകരിച്ചതോടെ മൊത്തം രോഗബാധിതരുടെ എണ്ണം 40,481 ആയി ഉയര്‍ന്നു. 7,893 പേര്‍ ഇതുവരെ സുഖം പ്രാപിച്ചു. കഴിഞ്ഞ 24 മണിക്കൂറിനിടെ 605 പേരാണ് സുഖം പ്രാപിച്ചത്. 32,569 പേരാണ് ചികിത്സയിലുള്ളത്. രാജ്യത്താകെ കോവിഡ് പരിശോധനക്ക് വിധേയമായവരുടെ എണ്ണം 1,80,642 ആയി.

English Summary: Covid Qatar update