ഇ-വ്യാപാരം കൂടി; പരാതിക്കാരും

ദുബായ് ∙ ദുബായിൽ ഇ-വ്യാപാര മേഖലയിലുണ്ടായ കുതിപ്പിനൊപ്പം പരാതികളുടെ എണ്ണവും കൂടി. ഉപയോക്താക്കളുടെ പരാതിയിൽ കഴിഞ്ഞമാസം മാത്രം 228% വർധന. കഴിഞ്ഞവർഷം ഇതേ കാലയളവിനെ അപേക്ഷിച്ചാണിത്.

പരാതിക്കാരിൽ ഏറ്റവും കൂടുതൽ സ്വദേശികളും (34%) കുറവ് ഇന്ത്യക്കാരുമാണ്-4%. കഴിഞ്ഞമാസം 1,404 പരാതികൾ 'ദുബായ് ഇക്കോണമി' ഉപഭോക്തൃ സംരക്ഷണ വിഭാഗം റജിസ്റ്റർ ചെയ്തു.

കോവിഡ് പശ്ചാത്തലത്തിൽ ഇ-ഇടപാടുകൾ കൂടിയതാണ് ഇതിനു കാരണമെന്ന് അധികൃതർ അറിയിച്ചു. വാണിജ്യ-വ്യാപാര മേഖലയിലെ ചെറുകിട സ്ഥാപനങ്ങൾ പോലും ഒാൺലൈൻ ഇടപാടുകളിലേക്കു മാറി. 'ദുബായ് കൺസ്യൂമർ ആപ്' വഴി പരാതി നൽകാം. വെബ്സൈറ്റ്: Consumererrights.ae, ഫോൺ: 600 54 5555. വിലക്കയറ്റം സംബന്ധിച്ച പരാതികൾക്ക്: Price.ded.ae.