ബഹ്റൈൻ കെഎംസിസി പ്രതിഷേധിച്ചു

മനാമ ∙ കേന്ദ്ര-സംസ്ഥാന സർക്കാരുകളുടെ പ്രവാസി വിരുദ്ധ നിലപാടിൽ പ്രതിഷേധിച്ച് കോഴിക്കോട് കലക്ടറേറ്റിലേക്ക് ധർണ നടത്തിയ കെഎംസിസി നേതാക്കൾക്കെതിരെ കേസെടുത്തതിൽ ബഹ്റൈൻ കെഎംസിസി പ്രതിഷേധിച്ചു. നടപടി രാഷ്ട്രീയ പ്രേരിതമാണെന്നും ഭരണത്തിലെ പിടിപ്പുകേട് ചൂണ്ടിക്കാട്ടുന്നവരെ കേസിൽപ്പെടുത്തിയും മറ്റും ദ്രോഹിക്കുന്ന കേന്ദ്രത്തിന്റെ അതേ നിലപാടാണ് സംസ്ഥാന സർക്കാർ പിന്തുടരുന്നതെന്നും സംസ്ഥാന പ്രസിഡന്റ് ഹബീബ് റഹ്മാൻ, ജനറൽ സെക്രട്ടറി അസൈനാർ കളത്തിങ്കൽ എന്നിവർ ആരോപിച്ചു.