വിദേശ യാത്ര ഒഴിവാക്കണമെന്ന് കുവൈത്ത് ആരോഗ്യമന്ത്രാലയം

കുവൈത്ത് സിറ്റി∙ കോവിഡ് വ്യാപന പശ്ചാത്തലത്തിൽ വിദേശ യാത്ര ഒഴിവാക്കണമെന്ന് സ്വദേശികളോടും വിദേശികളോടും കുവൈത്ത് ആരോഗ്യമന്ത്രാലയം അഭ്യർഥിച്ചു.

വിവിധ രാജ്യങ്ങളിൽ രോഗവ്യാപനം ക്രമാതീതമായി വർധിക്കുന്ന പശ്ചാത്തലത്തിൽ രോഗപ്പകർച്ച തടയാൻ യാത്ര ഒഴിവാക്കുന്നതാണ് ഉചിതമെന്നും ഓർമിപ്പിക്കുന്നു.

യാത്രക്കാർ സ്വയം നിയന്ത്രണം പാലിക്കേണ്ട സമയമാണിത്. രോഗവ്യാപന ഭീഷണി നിലനിൽക്കുന്ന രാജ്യങ്ങളിലേക്കു പോകുന്നതു രോഗം പിടിപെടാനിടയാക്കുമെന്നും അത്തരം സാഹചര്യങ്ങൾ ഒഴിവാക്കണമെന്നും സൂചിപ്പിച്ചു.