കോവിഡ് മരണം: തമിഴ്നാട് സ്വദേശിയുടെ മൃതദേഹം സംസ്കരിച്ചു

റിയാദ്∙ കോവിഡ് -19 ബാധിച്ചു മരിച്ച തമിഴ്നാട് കൂടല്ലൂർ ജില്ലയിലെ മംഗലപെട്ട് സ്വദേശി ധർമ്മലിംഗം രങ്കനാഥന്റെ (48) മൃതദേഹം സൗദി സർക്കാരിന്റെ കോവിഡ് പ്രോട്ടോക്കോൾ പ്രകാരം റിയാദിൽ മറവ് ചെയ്തു. 22 വർഷമായി റിയാദിൽ ഇലക്ട്രിഷ്യനായി ജോലി ചെയ്യുകയായിരുന്നു  ഭാര്യയും മൂന്നു മക്കളും അടങ്ങിയ കുടുംബം നാട്ടിലാണ്. നിയമ സഹായങ്ങൾക്ക് കേളിയുടെ ജീവകാരുണ്യ പ്രവർത്തകൻ മധു എടപ്പുറം നേതൃത്വം നൽകി.