അൽ മദീന ഗ്രൂപ്പ് സെൻട്രൽ മാൾ ഉദ്ഘാടനം ഇന്ന്

ദുബായ്∙ അൽ മദീന ഗ്രൂപ്പിന്റെ ഷോപ്പിങ് സെൻട്രൽ മാൾ ഉദ്ഘാടനം ഇന്ന്. ബർദുബായ്  അൽ ഫഹീദി മെട്രോ സ്‌റ്റേഷനു സമീപമുള്ള മുസല്ല ടവർ അൽ മദീന ഗ്രൂപ്പ് ഏറ്റെടുത്ത് ആധുനിക സൗകര്യങ്ങളുള്ള വിശാലമായ  സെൻട്രൽ മാൾ ആക്കി മാറ്റുകയായിരുന്നു.

ഒന്നര ലക്ഷത്തിലധികം ചതുരശ്ര അടിയിൽ മൂന്നു നിലകളിലായുള്ള സെൻട്രൽ മാളിൽ അൽ മദീന ഹൈപ്പർമാർക്കറ്റിനു പുറമേ വിശാലമായ ഫുഡ് കോർട്ടും, ധനവിനിമയ സ്ഥാപനങ്ങളും മറ്റ് നിരവധി പ്രമുഖ ബ്രാൻഡുകളുടെ ഷോറുമുകളും ഉണ്ട്. സെൻട്രൽ മാളിലേക്ക് യുഎഇയിൽ എവിടെനിന്നും ഉപഭോക്താക്കൾക്ക് എളുപ്പം എത്തിച്ചേരാനാകും.

വിശാലമായ  കാർ  പാർക്കിങ്ങ് സൗകര്യവുമുണ്ട്. ഉദ്ഘാടനത്തോടനുബന്ധിച്ച് ആകർഷകങ്ങളായ പ്രമോഷനുകളും ഓഫറുകളും ഒരുക്കിയിട്ടുണ്ടെന്നും അൽ മദീന ഗ്രൂപ്പ് പ്രതിനിധികൾ അറിയിച്ചു.