സൗദിക്ക് ആശ്വാസത്തിന്റെ ദിനങ്ങൾ; കോവിഡ് ബാധിതരുടെ എണ്ണം കുറയുന്നു
Mail This Article
റിയാദ് ∙ സൗദിയിൽ തുടർച്ചയായ രണ്ടാം ദിനവും കോവിഡ് ബാധിതരുടെ എണ്ണത്തിൽ കുറവ് തുടരുന്നതായി ആരോഗ്യ മന്ത്രാലയം അറിയിച്ചു. 224 പേർക്കാണ് പുതുതായി കോവിഡ് സ്ഥിരീകരിച്ചത്. ഈ ആഴ്ചയിൽ നാലാം തവണയാണ് പ്രതിദിന കണക്ക് 300 നു താഴേക്ക് വരുന്നത്. വെള്ളിയാഴ്ച 286 ഉം ബുധനാഴ്ച 290 ഉം ഇന്നലെ 221ഉം ആയിരുന്നു കോവിഡ് സ്ഥിരീകരിച്ചവരുടെ എണ്ണം. കഴിഞ്ഞ 24 മണിക്കൂറിനുള്ളിൽ 19 മരണവും രേഖപ്പെടുത്തി. ഗുരുതര രോഗികളിൽ 11 പേരുടെ കുറവുണ്ടായതായി അധികൃതർ അറിയിച്ചു.
അതേസമയം 489 പേർ കഴിഞ്ഞ ദിവസം രോഗമുക്തി നേടി. നിലവിൽ 6107 സജീവ കേസുകളാണ് രാജ്യത്തുള്ളത്. ഇവരിൽ 785 പേരുടെ നില ഗുരുതരമായി തുടരുന്നു. ഇതോടെ സൗദിയിൽ ആകെ കോവിഡ് ബാധിതർ 355258 ഉം മരണസംഖ്യ 5780 ഉം രോഗമുക്തി നേടിയവർ 343371 ഉം ആയി.
കഴിഞ്ഞ ദിവസം മാത്രം 36558 കോവിഡ് പരിശോധനകളാണ് പൂർത്തിയാക്കിയത്. ഇതോടെ സൗദിയിൽ 9255204 കോവിഡ് ടെസ്റ്റുകൾ പൂർത്തിയാതയായി അധികൃതർ പറഞ്ഞു. ഇന്നത്തെ കോവിഡ് ബാധ പ്രവിശ്യകൾ തിരിച്ച്: റിയാദ് 71, മദീന 40, മക്ക 30, അൽഖസീം 24, കിഴക്കൻ പ്രവിശ്യ 20, നജ്റാൻ 12, അസീർ 12, തബൂക്ക് 5, ജിസാൻ 3, ഹായിൽ 3, അൽജൗഫ് 2, വടക്കൻ മേഖല 1, അൽബാഹ 1.