പക്ഷികളുടെ ശബ്ദമുണ്ടാക്കി വേട്ട; ഉപകരണങ്ങൾ പിടികൂടി

ഷാർജ∙ പക്ഷികളുടെ ശബ്ദമുണ്ടാക്കാൻ കഴിയുന്ന പ്രത്യേക ഉപകരണങ്ങൾ പിടികൂടിയ അധികൃതർ മരുഭൂമി, മലയോര മേഖലകൾ, വാദികൾ എന്നിവിടങ്ങളിൽ പരിശോധന ഊർജിതമാക്കി. പക്ഷികളെ ആകർഷിച്ചു കെണിയിലാക്കാൻ ഇവ വ്യാപകമായി ഉപയോഗിക്കുന്നതു തടയുകയാണ് ലക്ഷ്യം. നൂറുകണക്കിന് ഉപകരണങ്ങൾ പിടിച്ചെടുത്തു.

തണുപ്പുകാലാവസ്ഥയിൽ ധാരാളമായി എത്തുന്ന ദേശാടനപ്പക്ഷികൾ വേട്ടക്കാരുടെ കെണിയിൽ അകപ്പെടുന്നു. മരങ്ങളുടെ ശിഖരങ്ങൾ, കുറ്റിച്ചെടികൾ, പുൽപ്പടർപ്പുകൾ, മണൽക്കൂനകൾ എന്നിവിടങ്ങളിലാണ് പക്ഷിക്കെണി സ്ഥാപിക്കുക. ഉദ്യോഗസ്ഥരെ തടയാൻ പരിസരങ്ങളിൽ ആണികൾ വിതറാറുമുണ്ട്. കൈകളിൽ മുറിവേൽപ്പിക്കുന്ന കെണികളും സ്ഥാപിക്കാറുണ്ട്.