sections
MORE

മെഹ്സൂസ് പ്രതിവാര നറുക്കെടുപ്പിന്റെ ഉദ്ഘാടനം മാറ്റി;ഗ്രാൻഡ് സമ്മാനം 50 ദശലക്ഷം ദിർഹം

mahzoos-weekly-draw
SHARE

ദുബായ്∙മെഹ്സൂസ് പ്രതിവാര നറുക്കെടുപ്പിന്റെ ഉദ്ഘാടനം സാങ്കേതികകാരണങ്ങളാൽ അടുത്ത ആഴ്ചയിലേയ്ക്ക് മാറ്റിയതായി അധികൃതർ അറിയിച്ചു. മെഹ്സൂസിന്റെ ആദ് നറുക്കെടുപ്പ് ഇന്നലെ(ശനി) രാത്രി നടക്കേണ്ടതായിരുന്നു. ഇന്നലത്തേയ്ക്ക് ടിക്കറ്റെടുത്ത എല്ലാവരുടെയും നമ്പരുകൾ ഇൗ മാസം 28ന് നടക്കുന്ന നറുക്കെടുപ്പിൽ ഉൾപ്പെടുത്തും.

50 ദശലക്ഷം ദിർഹമാണ് ഡിജിറ്റൽ നറുക്കെടുപ്പായ മെഹ്സൂസിലെ ഗ്രാൻഡ് സമ്മാനം. നറുക്കെടുപ്പുകള്‍ ഒാൺലൈനിലൂടെ തത്സമയം കാണാം. ആറ് നമ്പരുകൾ ഒത്തുവന്നാലാണ് ജീവിതം തന്നെ മാറിമറിയുന്ന ഒന്നാം സമ്മാനമായ 50 ദശലക്ഷം ദിർഹമാണ് ലഭിക്കുക. 5 നമ്പരുകൾ ശരിയായാൽ 10ലക്ഷം ദിർഹം കിട്ടും. സമ്മാനത്തിന് അർഹരായവർ ഒന്നിലേറെയുണ്ടെങ്കിൽ ഇൗ തുക ഭാഗിച്ച് നൽകും. 4 നമ്പരുകൾ ഒത്തുവന്നാൽ 1,000 ദിർഹവും 3 നമ്പരുകൾ വന്നാൽ ടിക്കറ്റ് നിരക്കായ 35 ദിർഹവുമാണ് ലഭിക്കുക.  വെബ്സൈറ്റ്–www.mahzooz.ae, ആപ്പ്– Mahzooz app on iOS and Android (ഇത് ഉടൻ ലഭ്യമാകും). മലയാളിയായ ഐശ്വര്യ അജിതാണ് അവതാരക.

മുൻപ് നടന്ന എമിറേറ്റ്സ് ലോട്ടോ ഇന്ത്യയുൾപ്പെടെ 50 രാജ്യങ്ങളിൽ നിന്നുള്ള 47,500 പേർ ഭാഗ്യം പരീക്ഷിച്ചു. മലയാളികളടക്കം ഒട്ടേറെ പേർക്ക് സമ്മാനം ലഭിച്ചു. ആകെ നൽകിയ സമ്മാനത്തുക– 14,670,500 ദിർഹം. വിവിധ പദ്ധതികളിലൂടെ സമൂഹത്തെ സഹായിക്കാനുള്ള മഹ്സൂസ് നറുക്കെടുപ്പുകളിൽ പഴയപോലെ എല്ലാവരുടെയും സഹകരണമുണ്ടാകുമെന്ന് പ്രതീക്ഷിക്കുന്നതായി ഇതിന് പിന്നിൽ പ്രവർത്തിക്കുന്ന എവിങ്സ് കൊ–സിഇഒ തെരേസ സ്റ്റാർ പറഞ്ഞു. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN GULF
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA