ലുലുവിന് എംആർഎഫ് അംഗീകാരം

ദുബായ്∙ മധ്യപൂർവദേശത്തെ ഏറ്റവും ജനകീയ ഹൈപ്പർമാർക്കറ്റ് ശൃംഖലയായി ലുലു ഗ്രൂപ്പ്. സേവന മികവ്, ഉൽപന്നങ്ങളുടെ നിലവാരം, നൂതന സംവിധാനങ്ങൾ തുടങ്ങിയ മികവുകൾ കണക്കിലെടുത്താണ്   മിഡിൽ ഈസ്റ്റ് റീട്ടെയ്ൽ ഫോറം (എംആർഎഫ്) അംഗീകാരം.

എംആർഎഫ് സിഒഒ: ജസ്റ്റീന എയ്ത് സീൻഗർ, ഇമേജസ് ഗ്രൂപ് ചെയർമാനും എംഡിയുമായ അമിതാഭ് തനേജ എന്നിവരിൽ നിന്ന് ലുലു ഗ്രൂപ്പ് ഡയറക്ടർ എം.എ. സലിം പുരസ്കാരം ഏറ്റുവാങ്ങി. വർഷങ്ങളായുള്ള വിശ്വാസ്യതയ്ക്കു ലഭിച്ച അംഗീകാരമാണിതെന്ന് എം.എ.സലിം പറഞ്ഞു. കൂടുതൽ വികസന പദ്ധതികൾക്ക് ലുലു ഗ്രൂപ്പ് ഒരുങ്ങുകയാണെന്നും വ്യക്തമാക്കി.