ധനവിനിമയം: പൂർണ സുരക്ഷ ഉറപ്പാക്കുമെന്ന് ഫെർജ്
Mail This Article
ദുബായ് ∙ ധനവിനിമയ രംഗങ്ങളിലെ തെറ്റായ പ്രവണതകൾ പരിഹരിച്ച് പൂർണ സുരക്ഷയുറപ്പാക്കിക്കൊണ്ടുള്ള പ്രവർത്തനങ്ങൾക്ക് യുഎഇയിലെ ധനവിനിമയ സ്ഥാപന പ്രതിനിധികളുടെ കൂട്ടായ്മ ഫെർജ് (ഫോറിൻ എക്സ്ചേഞ്ച് ആൻഡ് റെമിറ്റൻസ് ഗ്രൂപ്പ്) നേതൃത്വം നൽകുമെന്ന് ഭാരവാഹികൾ അറിയിച്ചു.
കോവിഡ് ലോക്ഡൗൺ സമയത്തും എക്സ്ചേഞ്ചുകളുടെ പ്രവർത്തനങ്ങളുമായി ബന്ധപ്പെട്ട സർക്കാർതല അനുമതിതേടലടക്കമുള്ള കാര്യങ്ങളിൽ ഫെർജ് നിർണയാക സ്വാധീനമാണ് ചെലുത്തിയത്. ഉപഭോക്തൃ സേവന നിലവാരമുയർത്തുന്ന പ്രത്യേക പരിശീലന പദ്ധതികളും അംഗ സ്ഥാപനങ്ങളുടെ ജീവനക്കാർക്കായി നടത്തുന്നുണ്ടെന്നും വ്യക്തമാക്കി.
ഭാരവാഹികൾ: മുഹമ്മദ് അലി അൽ അൻസാരി (ചെയർമാൻ), അദീബ് അഹമ്മദ് (വൈസ് ചെയർമാൻ), രാജീവ് റായ്പഞ്ചോലിയ (സെക്രട്ടറി), ആന്റണി ജോസ് (ട്രഷറർ), ഇമാദ് ഉൽ മാലിക് (ജോയിന്റ് ട്രഷറർ), ഒസാമ അൽ റഹ്മ (ഉപദേശക സമിതിയംഗം).
ലുലു ഇന്റർനാഷനൽ എക്സ്ചേഞ്ച്, അൽ അൻസാരി എക്സ്ചേഞ്ച്, അൽ ഫർദാൻ എക്സ്ചേഞ്ച്, അൽ ഗുറൈർ എക്സ്ചേഞ്ച്, അൽ റസൗകി ഇന്റർനാഷനൽ എക്സ്ചേഞ്ച്, അൽറൊസ്തമാനി ഇന്റർനാഷനൽ എക്സ്ചേഞ്ച്, ജോയ് ആലുക്കാസ് എക്സ്ചേഞ്ച്, ഇൻഡെക്സ് എക്സ്ചേഞ്ച്, ഒറിയന്റ് എക്സ്ചേഞ്ച്, റെദ്ദ അൽ അൻസാരി എക്സ്ചേഞ്ച്, വാൾസ്ട്രീറ്റ് എക്സ്ചേഞ്ച് എന്നിവയാണ് കമ്മിറ്റിയിലുള്ളത്.