ആർടിഎ ടാക്സികളിൽ ഇനി പരസ്യവും
Mail This Article
ദുബായ് ∙ നഗരത്തിലോടുള്ള ടാക്സികളുടെ മുകളിൽ ഇനി പരസ്യങ്ങൾ നിറയും. ചുറ്റുപാടുകളനുസരിച്ച് ഇതു മാറിക്കൊണ്ടിരിക്കുമെന്നതിനു പുറമേ ഉള്ളിൽ ആളുണ്ടോ എന്ന വിവരവും അറിയാനാകും.
ആർടിഎയുടെ (ദുബായ് റോഡ്സ് ആൻഡ് ട്രാൻസ്പോർട് അതോറിറ്റി) പുതിയ ടാക്സി ടോപ്പ് പരസ്യപരിപാടിയുടെ ഭാഗമായാണ് ഈ മാറ്റങ്ങൾ. സ്വകാര്യ കമ്പനികളുമായി ചേർന്നു നടപ്പാക്കുന്ന പദ്ധതിയിൽ ആർടിഎയ്ക്കു വരുമാന വർധനവിനു പുറമേ സേവന മികവും പരസ്യപ്രചാരണവുമാണ് ലക്ഷ്യം.
ദുബായിലെ 11,000 ടാക്സികളിലും ഇങ്ങനെ പരസ്യങ്ങൾ നൽകാനുള്ള അവസരവും കമ്പനികൾക്ക് ലഭിക്കുകയാണെന്ന് ട്രാൻസ്പോർട്ടേഷൻ സിസ്റ്റംസ് ഡയറക്ടർ ഖാലിദ് അൽ അവാദി വ്യക്തമാക്കി. ഇതിനകം നാഷനൽ ടാക്സി കമ്പനിയുടെ 100 ആർടിഎ ടാക്സികളിൽ പരസ്യബോർഡുകൾ സ്ഥാപിച്ചതായും അദ്ദേഹം അറിയിച്ചു. ഒരോ സ്ഥലത്ത് എത്തുമ്പോഴും അവിടുത്തെ ആളുകളുടെ രീതിയ്ക്കനുസരിച്ച് നിറവും പരസ്യവുമെല്ലാം മാറും. മറ്റ് വാഹനങ്ങളുടെ ശ്രദ്ധ തെറ്റിക്കാത്ത രീതിയിൽ പരിസരങ്ങൾക്ക് അനുസരിച്ച് പരസ്യവും മാറിക്കൊണ്ടിരിക്കും.