കോവിഡ്: കുവൈത്തിന്റെ പ്രതിരോധ നടപടികളെ പ്രശംസിച്ച് യുഎൻ
Mail This Article
കുവൈത്ത് സിറ്റി∙ കോവിഡ് പ്രതിരോധത്തിൽ കുവൈത്തിന്റെ പ്രവർത്തനങ്ങൾക്ക് യുഎന്നിന്റെ പ്രശംസ. കോവിഡ് ആരംഭം മുതൽ രാജ്യം സ്വീകരിച്ച സമീപനം ആശാവഹമാണെന്നും യുഎൻ സെക്രട്ടറി ജനറലിന്റെ പ്രതിനിധിയും റസിഡന്റ് കോ-ഓർഡിനേറ്ററുമായ ഡോ.താരീഖ് അൽ ഷെയ്ഖ് പറഞ്ഞു.
സുരക്ഷ ഉറപ്പാക്കുന്നതിന് രാജ്യാന്തര പ്രോട്ടോക്കോളും മുന്നറിയിപ്പുകളും പ്രാവർത്തികമാക്കുന്നതിൽ കുവൈത്ത് ശ്രദ്ധിക്കുന്നു.
പ്രധാനമന്ത്രി ഷെയ്ഖ് സബാഹ് ഖാലിദ് അൽ ഹമദ് അൽ സബാഹ്, ആരോഗ്യമന്ത്രി ഷെയ്ഖ് ഡോ. ബാസിൽ അൽ സബാഹ് എന്നിവരുടെ നേതൃത്വത്തിൽ ആരോഗ്യസംവിധാനങ്ങൾ മികച്ച നടപടികളാണ് സ്വീകരിച്ചത്. ആശുപത്രികളിലെ സൗകര്യം വർധിപ്പിച്ചും ഫീൽഡ് ആശുപത്രികളും പരിശോധനാ കേന്ദ്രങ്ങളും ഒരുക്കിയും പ്രതിരോധം ശക്തമാക്കാൻ കുവൈത്ത് ശ്രദ്ധിച്ചു.
മുന്നറിയിപ്പുകൾ പാലിക്കാൻ സ്വദേശികളും വിദേശികളും തയാറായി. വാക്സീൻ സ്വീകരിക്കാനും കൂടുതൽ പേരും തയാറായെന്ന് അദ്ദേഹം പറഞ്ഞു.