ഫഹെസ് കേന്ദ്രങ്ങളിൽ വാഹന പരിശോധന തുടരും
Mail This Article
ദോഹ∙വൊക്വോദിന്റെ ഫഹെസ് കേന്ദ്രങ്ങളിൽ ഇനി മുതൽ വാഹനങ്ങളുടെ സാങ്കേതിക പരിശോധന ഉണ്ടാകില്ലെന്ന തരത്തിൽ പ്രചരിക്കുന്ന വാർത്തകൾ തെറ്റാണെന്ന് വൊക്വോദ് അധികൃതർ.
ഫഹെസ് കേന്ദ്രങ്ങളിൽ വാഹന പരിശോധന നിർത്തിയതായുള്ള വാർത്തകൾ സമൂഹമാധ്യമങ്ങളിലൂടെ പ്രചരിച്ച സാഹചര്യത്തിലാണ് അധികൃതരുടെ സ്ഥിരീകരണം. വൊക്വോദിന്റെ ഔദ്യോഗിക കമ്യൂണിക്കേഷൻ ചാനലുകൾ അല്ലെങ്കിൽ ഗതാഗത വകുപ്പിൽ നിന്നുള്ള വാർത്തകളിൽ മാത്രമേ ഉപഭോക്താക്കൾ തേടാവൂയെന്നും അധികൃതർ ഓർമപ്പെടുത്തി.
കഴിഞ്ഞ വർഷം കോവിഡ് ലോക്ക്ഡൗണിനെ തുടർന്ന് ഫഹെസ് കേന്ദ്രങ്ങളിൽ ഏതാനും മാസങ്ങൾ വാഹനപരിശോധനകൾ നിർത്തിവച്ചിരുന്നു.
അതേസമയം വൊക്വോദിന്റെ സീലൈനിലെ ഫഹെസ് മൊബൈൽ സ്റ്റേഷൻ അടച്ചു. ഭാരം കുറഞ്ഞ വാഹനങ്ങളുടെയും ക്വാദ് വാഹനങ്ങളുടെയും സാങ്കേതിക പരിശോധന സേവനങ്ങളാണ് സ്റ്റേഷനിൽ നൽകിയിരുന്നത്. ഉപഭോക്താക്കൾ മറ്റ് ഫഹെസ് കേന്ദ്രങ്ങളുടെ സേവനം തേടണമെന്ന് അധികൃതർ അറിയിച്ചു.
