‘അബ്ഷിറി’ൽ നിന്നെന്ന വ്യാജേന വരുന്ന സന്ദേശങ്ങൾ സൂക്ഷിക്കണമെന്ന് മന്ത്രാലയം

റിയാദ് ∙ സർക്കാർ സേവനങ്ങൾ ഞൊടിയിടയിൽ ജനങ്ങളിൽ എത്തിക്കുന്നതിന് ആഭ്യന്തര മന്ത്രലയം പുറത്തിറക്കിയ അബ്ഷിർ പോർട്ടലിൽ നിന്നെന്ന വ്യാജേന പ്രചരിക്കുന്ന സന്ദേശങ്ങളും പ്രചാരണങ്ങളും കരുതിയിരിക്കണമെന്ന് അധികൃതർ പറഞ്ഞു. ഉപഭോക്താക്കൾക്ക് ഇങ്ങനെ സംശയാസ്പദമായ രീതിയിൽ സന്ദേശങ്ങൾ ലഭിക്കുന്നതായി ശ്രദ്ധയിൽ പെട്ടിട്ടുണ്ട്. ഈ സംവിധാനം ഉപയോഗിക്കുന്നവർ ലിങ്കുകളുടെ സാധുത ഉറപ്പ് വരുത്തണം. 

അബ്ഷിർ ആപ്ലിക്കേഷൻ മുഖേനയോ അഭ്യന്തര മന്ത്രാലയത്തിന്റെ വെബ്സൈറ്റ് മുഖേനയോ സേവനങ്ങൾ ഉപയോഗിക്കണമെന്നും അധികൃതർ പറഞ്ഞു. മന്ത്രാലയത്തിന്റെ പോർട്ടലിലേക്ക്  https://www.moi.gov.sa/wps/portal/Home/ എന്ന ലിങ്കും അബ്ഷിർ സേവനങ്ങൾക്ക് https://www.absher.sa/portal/landing.html എന്ന ലിങ്കും ഉപയോഗിക്കാനും വഞ്ചനക്കെതിരെ ജാഗ്രതയുണ്ടാകണെമന്നും ബന്ധപ്പെട്ടവർ പറഞ്ഞു.