ADVERTISEMENT

അബുദാബി∙ വാക്സീൻ എടുത്ത രാജ്യാന്തര യാത്രക്കാർക്ക് ക്വാറന്റീൻ 5 ദിവസമാക്കി കുറച്ച് അബുദാബി. നിലവിൽ 10 ദിവസമാണ് ക്വാറന്റീൻ. ഇന്ത്യ ഉൾപ്പെടെ റെഡ് വിഭാഗം രാജ്യങ്ങളിൽനിന്ന് യുഎഇയിലെത്തുന്ന വാക്സീൻ എടുത്തവർക്കാണ് ആനുകൂല്യം. ഇവർ രാജ്യത്തെത്തി നാലാം ദിവസം പിസിആർ െടസ്റ്റ് എടുക്കണം.

വാക്സീൻ എടുക്കാത്ത റെഡ് രാജ്യക്കാർക്ക് യുഎഇയിലെത്തിയാൽ 10 ദിവസം ഇൻസ്റ്റിറ്റ്യൂഷൻ ക്വാറന്റീനുണ്ട്. 4, 8 ദിവസങ്ങളിൽ പിസിആർ ടെസ്റ്റ് എടുക്കുകയും വേണം. നിലവിൽ ഈ മാസം 14 വരെയുള്ള യാത്രാ വിലക്കു യുഎഇ പിൻവലിച്ചാൽ പുതിയ ആനുകൂല്യം പ്രയോജനപ്പെടുത്തി ഇന്ത്യക്കാർക്കും അബുദാബിയിലെത്താം.

ഇതേസമയം ഗ്രീൻ വിഭാഗം രാജ്യങ്ങളിൽ നിന്ന് എത്തുന്ന വാക്സീൻ എടുത്തവർക്ക് വിമാനത്താവളത്തിലെത്തി പിസിആർ എടുത്താൽ മതി. ക്വാറന്റീനില്ല. ആറാം ദിവസം മറ്റൊരു പിസിആർകൂടി എടുക്കണമെന്നു മാത്രം.

ഇവിടന്നുള്ള വാക്സീൻ എടുക്കാത്തവർക്ക് 6, 12 ദിവസങ്ങളിൽ പിസിആർ നിർബന്ധം. ക്വാറന്റീനില്ല. 2 ഡോസ് വാക്സീൻ എടുത്ത് 28 ദിവസം കഴിഞ്ഞ യുഎഇയിലെ സ്വദേശി, വിദേശി യാത്രക്കാർക്കും നിയമം ബാധകം. റിപ്പോർട്ട് അൽഹൊസൻ ആപ്പിലാണ് കാണിക്കേണ്ടത്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com