അർഹരായവർക്ക് സൗജന്യ ചികിത്സയ്ക്ക് പുതിയ കാൻസർ ആശുപത്രി

ദുബായ് ∙ ദുബായ് മുൻ ഉപഭരണാധികാരി ഷെയ്ഖ് ഹംദാൻ ബിൻ റാഷിദ് അൽ മക്തൂമിന്റെ സ്മരണാർഥം നിർമിക്കുന്ന കാൻസർ ആശുപത്രി 2023ൽ പൂർത്തിയാകും. ആധുനിക സംവിധാനങ്ങളോടെ ഒരുങ്ങുന്ന ആശുപത്രിയിൽ അർഹരായവർക്ക് സൗജന്യ ചികിത്സ ലഭ്യമാക്കും.

50,000 ചതുരശ്രമീറ്ററിൽ 2 ഘട്ടമായാണ് 250 കിടക്കകളോടു കൂടിയ ആശുപത്രി നിർമിക്കുക. പ്രതിവർഷം 30,000 രോഗികളെ ചികിത്സിക്കാനാകും. രോഗനിർണയം, ചികിത്സ, സാന്ത്വന ചികിത്സ തുടങ്ങിയവയ്ക്കു രാജ്യാന്തര സംവിധാനങ്ങളുണ്ടാകും.

നിർമാണത്തിന് ഇതുവരെ 22 കോടിയിലേറെ ദിർഹം സമാഹരിച്ചു. അൽ ജലീല ഫൗണ്ടേഷൻ 75 കോടി ദിർഹം നൽകും.

സംരംഭത്തിനു സംഭാവന നൽകിയവരിൽ മലയാളി വ്യവസായികളായ ഫൈസൽ ഇ. കൊട്ടിക്കൊള്ളൻ, പിഎൻസി മേനോൻ തുടങ്ങിയവരും ഉൾപ്പെടുന്നു.