ഫ്രൈഡേ മാർക്കറ്റിൽ വിൽപന കേന്ദ്രം കത്തിനശിച്ചു

ഫുജൈറ∙മസാഫിയിെല ഫ്രൈഡേ മാർക്കറ്റിൽ പുലർച്ചെയുണ്ടായ അഗ്നിബാധയിൽ പ്രധാന വിൽപനകേന്ദ്രങ്ങളിലൊന്നു കത്തിനശിച്ചു. കളിപ്പാട്ടങ്ങൾ, തുണിത്തരങ്ങൾ, പാത്രങ്ങൾ തുടങ്ങിയവ വിൽക്കുന്ന സ്ഥാപനമാണിത്. ആളപായമില്ല.

ഏറെ നേരത്തെ പരിശ്രമങ്ങൾക്കു ശേഷമാണ് തീ നിയന്ത്രണവിധേയമാക്കിയത്. മറ്റു കടകളിലേക്കു വ്യാപിക്കാതെ മുൻകരുതലെടുത്തു. ചൂടുകാലത്ത് തീപിടിത്തങ്ങൾ കൂടാൻ സാധ്യതയുള്ളതിനാൽ ജാഗ്രത പാലിക്കണമെന്നും നിർദേശിച്ചു.