ലൈബയെ ആദരിച്ചു
Mail This Article
ദോഹ∙ ചെറുപ്രായത്തിനിടെ ഇംഗ്ലിഷ് ഭാഷയിൽ പുസ്തകം എഴുതി ലോക ഓൺലൈൻ വിപണിയായ ആമസോണിലൂടെ പ്രസിദ്ധീകരിച്ച് ശ്രദ്ധേയായ ലൈബ അബ്ദുൽ ബാസിതിന് പ്രവാസി സംഘടനയായ മാഹി മുസ്‌ലീം വെൽഫയർ അസോസിയേഷൻ ആദരിച്ചു.
പത്തു വയസ്സുകാരിയായ മാഹി സ്വദേശിനി ലൈബയുടെ 'ഓർഡർ ഓഫ് ദ് ഗാലക്‌സി- ദ് വാർ ഫോർ ദ് സ്റ്റോളൻ ബോയ്' എന്ന ഇംഗ്ലിഷ് പുസ്തകം ആമസോണിലൂടെയാണ് പ്രസിദ്ധീകരിച്ചത്. മാഹി പെരിങ്ങാടി സ്വദേശിയായ അബ്ദുൽ ബാസിതിന്റെയും, പാറക്കടവ് സ്വദേശിനിയായ തസ്‌നീം മുഹമ്മദിന്റെയും മകളായ ലൈബ ദോഹ ഒലീവിയ ഇന്റർനാഷനൽ സ്‌കൂളിലെ അഞ്ചാം ക്ലാസ് വിദ്യാർഥിനിയാണ്.
ദോഹയിലെ മുതിർന്ന എഴുത്തുകാരനും, പത്രപ്രവർത്തകനുമായ മുഹമ്മദ് പാറക്കടവിന്റെയും, പരേതനായ കെ.എം റഹീം സാഹിബിന്റെയും ചെറുമകളാണ് ലൈബ. ബലിപെരുന്നാൾ ദിനത്തിൽ നടന്ന ചടങ്ങിൽ അസോസിയേഷൻ പ്രസിഡന്റ് റിജാൽ കിടാരൻ, ജനറൽ സെക്രട്ടറി ആഷിക്ക് മാഹി, ട്രഷറർ സുഹൈൽ മനോളി, വൈസ് പ്രസിഡന്റുമാരായ അർഷാദ് ഹുസൈൻ, റിസ്വാൻ ചാലക്കര, ദഅവ വിങ് അംഗം മുബാറക് അബ്ദുൽ അഹദ്, സ്‌പോർട്‌സ് കൺവീനർ സാബിർ ടി.കെ തുടങ്ങിയവർ പങ്കെടുത്തു.
