യുഎഇയിൽ 608 പേർക്ക്കൂടി കോവിഡ്; രോഗമുക്തി 706, രണ്ടു മരണം
Mail This Article
അബുദാബി ∙ യുഎഇയിൽ കഴിഞ്ഞ 24 മണിക്കൂറിനിടെ 608 പേർ കോവിഡ്19 ബാധിതരായതായും 706 പേർ രോഗമുക്തി നേടിയതായും ആരോഗ്യ –രോഗപ്രതിരോധ മന്ത്രാലയം അറിയിച്ചു. രണ്ടു പേർ മരിച്ചതോടെ ആകെ മരണം 2068 ആയി. ആകെ രോഗികൾ: 7,30,743. രോഗമുക്തി നേടിയവർ: 7,22,073. ചികിത്സയിലുള്ളവർ: 6602. വിവിധ രാജ്യക്കാരാണ് രോഗബാധിതർ. ഇവർക്ക് മികച്ച ചികിത്സയാണ് നൽകുന്നതെന്നും വാക്സിനേഷൻ വ്യാപകമായി നടന്നുവരുന്നതായും അധികൃതർ പറഞ്ഞു.
യുഎഇയിൽ 3,11,171 പരിശോധന കൂടി; ആകെ 79.3 ദശലക്ഷം
യുഎഇയിൽ 3,11,171 പേർക്ക് കൂടി പിസിആർ പരിശോധന നടത്തിയതോടെ ആകെ കോവിഡ് പരിശോധന 79.3 ദശലക്ഷമായതായി അധികൃതർ പറഞ്ഞു. കോവിഡ്19 പ്രോട്ടോകോൾ പിന്തുടരുന്നതിൽ കൂടുതൽ ജാഗ്രത പാലിക്കണമെന്ന് അധികൃതർ നിർദേശിച്ചു. മാസ്ക് ധരിക്കുകയും സാമൂഹിക അകലം പാലിക്കുകയും വേണം. നിയമലംഘനങ്ങൾ ശ്രദ്ധയിൽപ്പെട്ടാൽ ദുബായ് കൺസ്യൂമർ ആപ്പ് വഴിയോ 600545555 എന്ന നമ്പരിലോ, Consumerrights.ae വെബ്സൈറ്റ് സന്ദർശിച്ചോ വിവരം അധികൃതരെ അറിയിക്കണം.