അല് സദ്ദിന് വീണ്ടും അമീര് കപ്പ്; അൽ റയാനെ തോൽപ്പിച്ചത് പെനാൽറ്റി ഷൂട്ടൗട്ടിൽ
Mail This Article
ദോഹ ∙ പെനാലിറ്റികളിലെ വിജയത്തിലൂടെ അല് സദ്ദ് വീണ്ടും അമീര് കപ്പ് സ്വന്തമാക്കി. അമീര് ഷെയ്ഖ് തമീം ബിന് ഹമദ് അല്താനിയാണ് അമീര് കപ്പ് സമ്മാനിച്ചത്. ഇന്നലെ രാത്രി 2022 ഫിഫ ലോകകപ്പ് ഖത്തര് സ്റ്റേഡിയമായ അല് തുമാമയില് നടന്ന 49-ാമത് അമീര് കപ്പ് ഫൈനലില് അല് റയാനു മേല് നേടിയ പെനാലിറ്റികളിലെ വിജയമാണ് 18-ാം തവണയും അല് സദ്ദിന് അമീര് കപ്പ് നേടികൊടുത്തത്.
അല് റയാനു വേണ്ടി 44-ാം മിനിറ്റില് യാസിന് ബ്രഹ്മിയും 58-ാം മിനിറ്റില് അല് സദ്ദിനായി സാന്റി കസോര്ലയുമാണ് ഗോള് നേടിയത്. രണ്ടു ഗോളുകളും പെനാലിറ്റി കിക്കിലൂടെയാണ് ഇരു ടീമുകളും നേടിയത്.
നിശ്ചിത സമയത്തില് ഇരു ടീമുകളും 1-1 സമനിലയില് എത്തിയതോടെയാണ് പെനാലിറ്റി ഷൂട്ടൗട്ടിലേക്ക് പ്രവേശിച്ചത്. അല് സദ്ദും അഞ്ചും അല് റയാന് നാലും ഗോളുകളാണ് ലക്ഷ്യത്തിലെത്തിച്ചത്. 40,000 കാണികളുടെ പിന്തുണയിലാണ് ആവേശകരമായ അമീര് കപ്പ് ഫൈനല് നടന്നത്.