ഈന്തപ്പഴ വിപണന മേള ഇന്നു കൂടി

ദോഹ∙സൂഖ് വാഖിഫിൽ നടക്കുന്ന പത്ത് ദിവസത്തെ ഈന്തപ്പഴ വിപണന മേള ഇന്ന് സമാപിക്കും.

ആദ്യ 3 ദിവസത്തിനുള്ളിൽ 13 ടൺ ഈന്തപ്പഴമാണ് വിറ്റത്. ഇക്കഴിഞ്ഞ ഞായറാഴ്ച മാത്രം 5,836 കിലോ വിറ്റു.  നഗരസഭ പരിസ്ഥിതി മന്ത്രാലയത്തിലെ കാർഷിക വകുപ്പിന്റെയും സൂഖ് വാഖിഫിന്റെയും പങ്കാളിത്തത്തിൽ നടക്കുന്ന ഈ വർഷത്തെ മൂന്നാമത്തെ ഈന്തപ്പഴ മേളയാണിത്.   55 പ്രാദേശിക ഫാമുകളും ദേശീയ കമ്പനികളുമാണ് മേളയിൽ പങ്കെടുക്കുന്നത്. കിലോയ്ക്ക് 8 റിയാൽ നിരക്ക് മുതൽ വ്യത്യസ്ത ഇനം ഈന്തപ്പഴങ്ങളാണ് മേളയിൽ ലഭിക്കുക.

സൂഖ് വാഖിഫിലെ വെസ്‌റ്റേൺ സ്‌ക്വയറിൽ നടക്കുന്ന മേളയിൽ ഉച്ചയ്ക്ക് 3.00 മുതൽ രാത്രി 10.00വരെയാണ് ഇന്ന് പ്രവേശനം.

English Summary : Third Local Dates Exhibition 2021in Souq waqif ends today