മറ്റൊരാൾ അശ്ലീല ചിത്രം പ്രചരിപ്പിച്ചതിന് ജയിലിലായ മലയാളിയെ വിട്ടയച്ചു

റിയാദ്∙ സമൂഹമാധ്യമങ്ങളിൽ മറ്റൊരാൾ അശ്ലീല ചിത്രം പ്രചരിപ്പിച്ചതിന് ജയിലിലായ വൈഫൈ ഉടമ കോഴിക്കോട് പൂനൂർ സ്വദേശി അബ്ദുൽ ലത്തീഫ് മോചിതനായി. സാമൂഹിക പ്രവർത്തകരുടെയും കമ്പനിയുടെയും ഇടപെടലിൽ നിരപരാധിത്വം തെളിയിച്ചതോടെ ഒന്നര വർഷത്തിനുശേഷം മോചിതനാകുകയായിരുന്നു.

ഇദ്ദേഹത്തിന്റെ പേരിലുള്ള ഇന്റർനെറ്റ് ഉപയോഗിച്ച് 3 തവണ കുട്ടികളുടെ അശ്ലീല ചിത്രം കൈമാറിയെന്നാണ് കേസ്. വ്യാജ ഐഡി ഉപയോഗിച്ചാണ് ചിത്രം സമൂഹമാധ്യമത്തിൽ ഷെയർ ചെയ്തിരുന്നതെന്നും കണ്ടെത്തി.

സ്വകാര്യ കമ്പനിയിൽ സെയിൽസ്മാനായ ഇദ്ദേഹത്തിന്റെ നിരപരാധിത്വം ബോധ്യപ്പെട്ട കമ്പനി അധികൃതർ അൽമനാർ പൊലീസിലെത്തി വിശദീകരണം നൽകിയതോടെയാണ് മോചനം സാധ്യമായത്.

English Summary : Keralite wrongly convicted for spreading pornographic content freed from jail