സൗദിയിൽ സ്വകാര്യ മേഖലയിലും 2 ദിവസ അവധി ആലോചനയിൽ
Mail This Article
×
റിയാദ്∙ സ്വകാര്യ മേഖലാ തൊഴിലാളികൾക്കും 2 ദിവസത്തെ വാരാന്ത്യ അവധി നൽകാൻ സൗദി അറേബ്യ ആലോചിക്കുന്നു. ഇതുസംബന്ധിച്ച് തൊഴിൽ നിയമം ഭേദഗതി ചെയ്യുന്നത് പഠിച്ചുവരികയാണെന്ന് മാനവ വിഭവശേഷി, സാമൂഹിക വികസന മന്ത്രാലയം അറിയിച്ചു.
സൗദി വിഷൻ 2030ന്റെ ഭാഗമായാണ് തൊഴിലാളികളുടെയും തൊഴിൽ വിപണിയുടെയും താൽപര്യങ്ങൾ സംരക്ഷിക്കും വിധം നിയമം പരിഷ്ക്കരിക്കുന്നത്. ഭേദഗതികളിൽ പൊതുജനാഭിപ്രായം തേടിയായിരിക്കും അന്തിമ തീരുമാനം.
വാരാന്ത്യ അവധി 2 ദിവസമാക്കുന്നതും ജോലി സമയം കുറയ്ക്കുന്നതും മൂലം സ്വകാര്യ മേഖലയിലേക്കു കൂടുതൽ സ്വദേശികളെ ആകർഷിക്കാനാകുമെന്നും കണക്കുകൂട്ടുന്നു. നിലവിൽ ജോലി സമയം ദിവസേന 8 മണിക്കൂറും ആഴ്ചയിൽ 48 മണിക്കൂറും കവിയാൻ പാടില്ലെന്നാണ് നിയമം. റമസാനിൽ ദിവസേന 6 മണിക്കൂറും ആഴ്ചയിൽ 36 മണിക്കൂറും കവിയരുത്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.