അബുദാബി∙ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാന്റെ കീഴിൽ യുഎഇ സുരക്ഷിതമെന്ന് എമിറേറ്റ് ഭരണാധികാരികൾ. പുതിയ പ്രസിഡന്റിന് ഐക്യദാർഢ്യം പ്രഖ്യാപിക്കാനും അന്തരിച്ച മുൻ പ്രസിഡന്റ് ഷെയ്ഖ് ഖലീഫയ്ക്ക് ആദരാഞ്ജലികൾ അർപ്പിക്കാനും മുഷ്റിഫ് പാലസിലെത്തിയതാണിവർ.
രാഷ്ട്ര നേതാവിന് അഭിവാദ്യം അർപ്പിക്കുന്നതോടൊപ്പം എല്ലാവിധ പിന്തുണയും വാഗ്ദാനം ചെയ്യുന്നതായി യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം പറഞ്ഞു.
വെല്ലുവിളികൾ നിറഞ്ഞ സമയത്ത് പ്രസിഡന്റ് ഷെയ്ഖ് മുഹമ്മദ് മികച്ച പ്രകടനമാണ് നടത്തിയതെന്ന് ഷാർജ ഭരണാധികാരിയും സുപ്രീം കൗൺസിൽ അംഗവുമായ ഡോ. ഷെയ്ഖ് സുൽത്താൻ ബിൻ മുഹമ്മദ് അൽ ഖാസിമി പറഞ്ഞു. ഭരണാധികാരികളുടെ പിന്തുണയ്ക്ക് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ നന്ദി പറഞ്ഞു.
