ഷോപ്പിങ് മാളില് നിന്ന് വീണു ചികിത്സയിലായിരുന്ന കുട്ടി മരിച്ചു
Mail This Article
×
ദോഹ∙ലുസെയ്ലിലെ ആഡംബര മാളുകളിലൊന്നായ പ്ലേസ് വെൻഡോമിന്റെ മുകളിലത്തെ നിലയിൽ നിന്ന് വീണു പരുക്കേറ്റ് ചികിത്സയിലായിരുന്ന മൂന്നു വയസ്സുകാരൻ മരണമടഞ്ഞതായി റിപ്പോർട്ട്. ഇക്കഴിഞ്ഞ 15നാണ് ജോർദാൻ സ്വദേശിയായ ഖാലിദ് വാലിദ് ബെസിസോ എന്ന മൂന്നു വയസുകാരന് മാളിന്റെ മുകൾ നിലയിൽ നിന്ന് വീണ് ഗുരുതര പരുക്കേറ്റത്. ഉടൻ തന്നെ ആശുപത്രിയിൽ എത്തിക്കുകയായിരുന്നു.
എങ്ങനെയാണ് അപകടം സംഭവിച്ചതെന്നും മറ്റുമുള്ള കാര്യങ്ങളിൽ അന്വേഷണം നടക്കുകയാണ്. അപകടമുണ്ടാകാനുള്ള സാഹചര്യം കണ്ടെത്താൻ അന്വേഷണ സംഘവുമായി സഹകരിച്ചാണ് പ്രവർത്തിക്കുന്നതെന്ന് പ്ലേസ് വെൻ്ഡോം മാനേജ്മെന്റ് നേരത്തെ പ്രസ്താവന ഇറക്കിയിരുന്നു. അടുത്തിടെയാണ് ആഡംബര, ഫാഷൻ ഷോപ്പിങ് മാൾ ആയ പ്ലേസ് വെൻഡോം പ്രവർത്തനം തുടങ്ങിയത്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.