യുഎഇയിൽ വീണ്ടും നാനൂറിലേറെ കോവിഡ് കേസുകൾ; 368 രോഗമുക്തി
Mail This Article
അബുദാബി ∙ മാസങ്ങൾക്ക് ശേഷം യുഎഇയിൽ പ്രതിദിന കോവിഡ് കേസുകൾ വീണ്ടും 400 കവിഞ്ഞു. കഴിഞ്ഞ 24 മണിക്കൂറിനിടെ 403 പേർക്ക് കോവിഡ്19 ബാധിച്ചതായും 368 പേർ കൂടി പൂർണമായും രോഗമുക്തി നേടിയതായും ആരോഗ്യ –രോഗപ്രതിരോധ മന്ത്രാലയം അറിയിച്ചു. കോവിഡ് ബാധിച്ചുള്ള മരണം മൂന്നു മാസത്തോളമായി റിപ്പോർട്ട് ചെയ്തിട്ടില്ല.
ആകെ രോഗികൾ: 9,06,639. രോഗമുക്തി നേടിയവർ ആകെ: 8,90,311. ആകെ മരണം 2302. വിവിധ രാജ്യക്കാരാണ് രോഗബാധിതരെന്നും ഇവർക്ക് മികച്ച ചികിത്സയാണ് നൽകുന്നതെന്നും അധികൃതർ പറഞ്ഞു.
2,36,283 ആർടിപിസിആർ പരിശോധനകൾ കൂടി
രാജ്യത്ത് ഴിഞ്ഞ 24 മണിക്കൂറിനുള്ളിൽ 2,36,283 കോവിഡ് ആർടിപിസിആർ പരിശോധന കൂടി നടത്തിയതായി ആരോഗ്യ-പ്രതിരോധ മന്ത്രാലയം അറിയിച്ചു. കോവിഡ് കുറഞ്ഞു വരുന്നുണ്ടെങ്കിലും, ആൾക്കൂട്ടത്തിൽ ചെല്ലുമ്പോൾ മാസ്ക് ധരിക്കുകയും ശാരീരിക അകലം പാലിക്കുകയും വേണം.