അബുദാബി∙ എസ്എസ്എൽസി പരീക്ഷയിൽ ഗൾഫിലെ സ്കൂളുകൾക്ക് മിന്നും വിജയം. 9 കേന്ദ്രങ്ങളിൽ പരീക്ഷ എഴുതിയ 571 പേരിൽ 561 പേരും ഉന്നത വിദ്യാഭ്യാസത്തിന് അർഹത നേടി.
വിജയ ശതമാനം 98.24. യുഎഇയിൽ 102 വിദ്യാർഥികൾക്ക് എല്ലാ വിഷയങ്ങളിലും എപ്ലസ് ലഭിച്ചു. ദുബായ് ന്യൂ ഇന്ത്യൻ മോഡൽ സ്കൂളിൽ പരീക്ഷ എഴുതിയ 119 പേരും വിജയിച്ചു. 22 വിദ്യാർഥികൾ എല്ലാ വിഷയങ്ങൾക്കും എ പ്ലസ് നേടി.
ഷാർജ ന്യൂ ഇന്ത്യൻ മോഡൽ സ്കൂളിൽ പരീക്ഷ എഴുതിയ 31 പേരും ഉന്നത വിദ്യാഭ്യാസത്തിന് യോഗ്യത നേടി. ഇതിൽ 8 വിദ്യാർഥികൾക്ക് എല്ലാ വിഷയങ്ങൾക്കും എ പ്ലസ് ഉണ്ട്. ഉമ്മുൽഖുവൈനിലെ ദ് ഇംഗ്ലിഷ് പ്രൈവറ്റ് സ്കൂളിൽ പരീക്ഷ എഴുതിയ 38 പേരും വിജയിച്ചു. ഇതിൽ 3 വിദ്യാർഥികൾക്കാണ് എല്ലാ വിഷയങ്ങൾക്കും എ പ്ലസ്.
ന്യൂ ഇന്ത്യൻ സ്കൂൾ ഉമ്മുൽഖുവൈനിൽ പരീക്ഷ എഴുതിയ 55 പേരും ഉന്നത വിദ്യാഭ്യാസത്തിന് അർഹത നേടി. ഇതിൽ 13 വിദ്യാർഥികൾക്ക് എല്ലാ വിഷയങ്ങൾക്കും എപ്ലസ്. അൽഐൻ ന്യൂ ഇന്ത്യൻ മോഡൽ സ്കൂളിൽ പരീക്ഷ എഴുതിയ 23ൽ 22 പേരും ഉന്നത വിദ്യാഭ്യാസത്തിന് അർഹത നേടി.
കോവിഡ് മൂലം ഒരു വിദ്യാർഥിക്കു ഒരു പരീക്ഷ എഴുതാനായില്ല. 4 വിദ്യാർഥികൾക്കാണ് എല്ലാ വിഷയങ്ങൾക്കും എ പ്ലസ്. റാസൽഖൈമ ന്യൂ ഇന്ത്യൻ സ്കൂളിൽ പരീക്ഷ എഴുതിയ 46ൽ 45 പേരും വിജയിച്ചു. ഒരു വിദ്യാർഥിനിക്ക് എല്ലാ വിഷയങ്ങൾക്കും എപ്ലസ് ലഭിച്ചു.
അബുദാബിയിലെ ദ് മോഡൽ സ്കൂളിൽനിന്ന് പരീക്ഷ എഴുതിയ 136ൽ 134 പേരും ഉന്നത വിദ്യാഭ്യാസത്തിന് അർഹത നേടി. ഇതിൽ 34 പേർക്ക് എല്ലാ വിഷയങ്ങളിലും എ പ്ലസ് ഉണ്ട്. ദുബായ് ഗൾഫ് മോഡൽ സ്കൂളിൽ പരീക്ഷ എഴുതിയ 57ൽ 55 പേരും ഉന്നത വിദ്യാഭ്യാസത്തിന് അർഹത നേടി.
ഇതിൽ 4 വിദ്യാർഥികൾക്ക് എല്ലാ വിഷയങ്ങൾക്കും എ പ്ലസ് ലഭിച്ചു. ഫുജൈറ ഇന്ത്യൻ സ്കൂളിൽ പരീക്ഷ എഴുതിയ 66ൽ 62 പേർ വിജയിച്ചു. ഇതിൽ 13 വിദ്യാർഥികൾക്ക് എല്ലാ വിഷയങ്ങൾക്കും എപ്ലസ് ഉണ്ട്. ഒരാൾക്ക് കോവിഡ് മൂലം പരീക്ഷ എഴുതാനായില്ല.
