കുടിയേറ്റ നിയമലംഘനം; നാടുകടത്തൽ വേഗത്തിലാക്കും

കുവൈത്ത് സിറ്റി∙ കുവൈത്തിൽ താമസ കുടിയേറ്റ നിയമലംഘനത്തിനു പിടിക്കപ്പെട്ടവരുടെ നാടുകടത്തൽ വേഗത്തിലാക്കാൻ ആഭ്യന്തര മന്ത്രാലയം നിർദേശം. ജയിലിൽ തടവുകാരുടെ എണ്ണം കൂടിയ പശ്ചാത്തലത്തിലാണു തീരുമാനം. അനധികൃത താമസക്കാർക്കായി ഏതാനും ദിവസമായി നടക്കുന്ന തിരച്ചിലിൽ നൂറുകണക്കിന് ആളുകൾ പിടിക്കപ്പെട്ടിരുന്നു. ഇതോടെ നാടുകടത്തൽ കേന്ദ്രത്തിൽ 550 വനിതകൾ ഉൾപ്പെടെ 1500 പേരായി ഉയർന്നു. ഈ വർഷം ഇതുവരെ 12,500 പേരെ നാടുകടത്തിയതായാണു റിപ്പോർട്ട്.