ജിദ്ദയിൽ 55 ദിവസത്തിനുള്ളിൽ എത്തിയത് 50 ലക്ഷം സന്ദർശകർ

ജിദ്ദ∙ ജിദ്ദ സീസൺ ആരംഭിച്ചതിനു ശേഷം കഴിഞ്ഞ 55 ദിവസത്തിനുള്ളിൽ അഞ്ച് ദശലക്ഷം സന്ദർശകർ എത്തിയതായി കണക്കുകൾ.

129ത്തിലധികം രാജ്യങ്ങളിൽ നിന്ന് 2,800 പരിപാടികളാണു വിവിധ സ്ഥലങ്ങളിലായി നടക്കുന്നത്. 26 ഭാഷകളിലുള്ള പ്രാദേശിക, രാജ്യാന്തര മാധ്യമങ്ങളുടെ ശ്രദ്ധ ആകർഷിച്ചു.

ജിദ്ദ സീസണിലെ മാധ്യമ കവറേജ് 68 രാജ്യങ്ങളിൽ എത്തുകയും 250 ദശലക്ഷത്തിലധികം കാഴ്ചക്കാരിലേക്ക് എത്തുകയും ചെയ്തു.  ജിദ്ദ സീസൺ അതിന്റെ വിനോദ പരിപാടികളുടെ ലക്ഷ്യങ്ങളെ മറികടക്കുക മാത്രമല്ല, രാജ്യത്തിന്റെ സാമ്പത്തിക വികസനത്തിൽ കാര്യമായ സ്വാധീനം ചെലുത്തുകയും ചെയ്തു ചെയ്തു. ഈ സീസൺ വിവിധ മേഖലകളിലെ പ്രവർത്തനത്തെ ഉത്തേജിപ്പിച്ചു, പൗരന്മാർക്ക് 74,000ത്തിലധികം തൊഴിലവസരങ്ങൾ സൃഷ്ടിച്ചു

English Summary : Jeddah Season 2022 achieves five million visitors since launch