മക്ക ∙ മക്ക നഗരത്തിൽ ചേരി വികസനത്തിന്റെ ഭാഗമായി ഇന്നു മുതൽ വിവിധ പ്രദേശത്തെ കെട്ടിടങ്ങളും മറ്റു നിർമാണങ്ങളും ഘട്ടം ഘട്ടമായി പൊളിച്ചു നീക്കും. അൽ മസ്ഫല പ്രദേശത്തുള്ള അൽ കിദ്‌വ മേഖലയാണ് പ്രവൃത്തി തുടങ്ങുന്നതെന്ന് പദ്ധതിയുടെ ഔദ്യോഗിക വക്താവ് ഡോ. അംജദ് മഗ്രിബി പറഞ്ഞു.
686,000 ചതുരശ്ര മീറ്റർ വിസ്തീർണം ഉൾക്കൊള്ളുന്ന വടക്ക് രണ്ടാമത്തെ റിങ് റോഡ്, അൽ തഖ്‌വ, കിഴക്ക് റവാബി അജ്യാദ് മോഡിഫൈഡ് സ്കീം, അജ്യാദ് സപ്ലിമെന്ററി സ്കീം, പടിഞ്ഞാറ് അൽ ഹിജ്റ സ്ട്രീറ്റ് എന്നിവ ഉൾപ്പെടും. മക്ക അൽ മുഖറമയിലെ ചേരികളുടെ സാഹചര്യം പരിഹരിക്കുന്നതിനായി മന്ത്രിതല സമിതി കണ്ടെത്തിയ മുൻഗണനാ വികസന കേന്ദ്രങ്ങളിലൊന്നാണ് അൽ കിദ്‌വയെന്നും ഡോ. മഗ്രിബി സൂചിപ്പിച്ചു.
മക്ക നഗരത്തെ നിക്ഷേപ അവസരങ്ങൾ ആകർഷിക്കുന്ന ഒരു ആധുനിക നഗരമാക്കി മാറ്റുക, ചേരി നിവാസികളുടെ ജീവിത നിലവാരം മെച്ചപ്പെടുത്തുക അവർക്ക് നൽകുന്ന ആരോഗ്യ സാമൂഹിക സേവനങ്ങൾ മെച്ചപ്പെടുത്തുക കൂടാതെ ആ മേഖലകളിലെ വ്യവസ്ഥാപരമായ ലംഘനങ്ങളെ നേരിടുക എന്നിവ ലക്ഷ്യം വച്ചാണ് ചേരി പ്രദേശങ്ങളിൽ നീക്കുന്നത്.
മക്ക നഗരത്തിനും പുണ്യ സ്ഥലങ്ങൾക്കുമുള്ള റോയൽ കമ്മീഷൻ നേരത്തെ നഗര പ്രദേശങ്ങളുടെയും സർവേകളുടെയും ഇൻവെന്ററി ആരംഭിച്ചിരുന്നുവെന്നും വികസ്വര കമ്പനി മുനിസിപ്പാലിറ്റിയിൽ നിന്ന് പ്രാഥമിക പദ്ധതിയുടെ അംഗീകാരം നേടിയിട്ടുണ്ടെന്നും അദ്ദേഹം സൂചിപ്പിച്ചു.
