കർവ ബസുകൾ കൂടുതൽ നേരം ഓടും
Mail This Article
ദോഹ∙ രാജ്യത്തെ കർവ ബസുകളുടെ പ്രവർത്തന സമയം നീട്ടി.പുലർച്ചെ 4 മുതൽ അർദ്ധരാത്രി 12 വരെയാണ് നിലവിൽ സമയം.
മത്താർ ഖദീം വഴി ഹമദ് രാജ്യാന്തര വിമാനത്താവളത്തിലേക്കും തിരിച്ചുമുള്ള സർക്കുലർ ബസ് സർവീസും (എൽ-533), വിമാനത്താവളത്തിൽ നിന്ന് ഇൻഡസ്ട്രിയൽ ഏരിയ വഴിയുള്ള ബസും (ടി-612) 24 മണിക്കൂറും സർവീസ് നടത്തും.
ദോഹ മെട്രോയും ലുസെയ്ൽ ട്രാമും രാവിലെ 6 മുതൽ പിറ്റേന്ന് പുലർച്ചെ 3 വരെ 21 മണിക്കൂർ പ്രവർത്തിക്കും. ദോഹ മെട്രോ 37 സ്റ്റേഷനുകളിലായി റെഡ്, ഗ്രീൻ, ഗോൾഡ് ലൈനുകളിലായാണ് സർവീസ് നടത്തുന്നത്.
ലുസെയ്ൽ ട്രാം 7 സ്റ്റേഷനുകളിലും. യാത്രക്കാരുടെ തിരക്ക് മുൻനിർത്തി ദോഹ മെട്രോയുടെ എല്ലാ യാത്രാ ക്ലാസുകളും ഒറ്റ ക്ലാസ് ആക്കിയിട്ടുണ്ട്. ഗോൾഡ്, ഫാമിലി ക്ലാസുകൾ ആണ് താൽക്കാലികമായി റദ്ദാക്കിയത്.
English Summary : Karwa buses now operate for longer hours