അൽ അവീറിൽ പുതിയ സബ്സ്റ്റേഷൻ

ദുബായ്∙ ദുബായ് ഇലക്ട്രിസ്റ്റി ആൻഡ് വാട്ടർ അതോറിറ്റി (ദീവ) അൽ അവീറിൽ 150 മെഗാവാട്ട് പ്രസരണശേഷിയുള്ള 132 കെവി സബ് സ്റ്റേഷനും ജബൽ അലിയിൽ 2000 മെഗാവാട്ട് പ്രസരണശേഷിയുള്ള 400 കെവി സബ് സ്റ്റേഷനും പുതിയതായി സ്ഥാപിച്ചു. ഇതോടെ ദുബായിൽ 400 കെവി സബ്സ്റ്റേഷനുകളുടെ എണ്ണം ഇരുപത്തിയേഴും 132 കെവി സബ്സ്റ്റേഷനുകളുടെ എണ്ണം 333 ആയി. ജനവാസ മേഖലകളായ വാദി അൽ അമർദി, വാദി അൽ ഷബാക്, നാദ് ഹെസ്സ, അൽ ഖവനീജ് 2, അൽ അവീർ 1 എന്നിവിടങ്ങളിൽ പുതിയതായി 5 സബ്സ്റ്റേഷനുകൾക്ക് കൂടി ദീവ കരാർ നൽകി. എമിറേറ്റിൽ പ്രസരണ നഷ്ടമില്ലാതെ വൈദ്യുതി എത്തിക്കാനുംതടസ്സ രഹിതമായി വൈദ്യുതി ലഭ്യമാക്കാനും  കഴിയുമെന്നും അധികൃതർ അറിയിച്ചു.