റാക് സ്കോളേഴ്സ് ഇന്ത്യൻ സ്കൂളിൽ യുഎഇ ദേശീയദിനം ആഘോഷിച്ചു
Mail This Article
റാസൽഖൈമ∙ യുഎഇയുടെ 51-ാമത് ദേശീയദിനം റാക് സ്കോളേഴ്സ് ഇന്ത്യൻ സ്കൂളിൽ ആഘോഷിച്ചു. രാജ്യത്തിന്റെ പാരമ്പര്യവും സംസ്കാരവും കലയും സഹിഷ്ണുതയും പ്രതിഫലിപ്പിക്കുന്ന പരിപാടികൾ കുട്ടികൾ അവതരിപ്പിച്ചു. വിവിധ നാടുകളിൽ നിന്നുള്ള കുട്ടികൾ അവരവരുടെ പരമ്പരാഗത വേഷങ്ങൾ അണിഞ്ഞു തങ്ങളുടെ മാതൃഭാഷയിൽ യുഎഇക്ക് അഭിവാദ്യം അർപ്പിച്ചു. യുഎഇ ദേശീയ പാതകയുടെ നിറത്തിൽ വേഷം ധരിച്ചു കുട്ടികൾ നടത്തിയ ജാഥ ആകർഷണീയമായിരുന്നു.
നാടിന്റെ പാരമ്പര്യം, കല, ശാസ്ത്ര സാങ്കേതിക പുരോഗതി തുടങ്ങി വിവിധ മേഖലകളിലെ യുഎഇയുടെ മഹത്വം പ്രതിഫലിപ്പിക്കുന്ന 'മാഗ്നം ഓപ്പസ്' എന്ന ചാർട്ട് എക്സിബിഷൻ സംഘടിപ്പിച്ചു. ലോക രാഷ്ട്രങ്ങൾക്കു മാതൃകയാവും വിധം വികസന മുന്നേറ്റം നടത്തുന്ന
യുഎഇയെ കുറിച്ചു കുട്ടികൾക്ക് സമഗ്രമായ അറിവു നേടാനും പോറ്റമ്മ നാടിനോടുള്ള സ്നേഹം വളർത്താനും ഇത്തരം പരിപാടികൾ സഹായകമാകും എന്നു പ്രിൻസിപ്പൽ ഹമീദ് അലി യഹ്യ പറഞ്ഞു.