റിയാദ് ∙ ഖത്തർ ലോകകപ്പ് വിജയിയെ പ്രവചിക്കുന്നവര്‍ക്ക് വൻ തുക സമ്നാനമായി പ്രഖ്യാപിച്ച് സൗദി ജനറല്‍ എന്റര്‍ടെയ്ന്‍മെന്റ് അതോറിറ്റി. ഒരു ലക്ഷം ഡോളര്‍ സമ്മാനം നല്‍കുമെന്ന് പ്രസിഡന്റ് തുര്‍ക്കി അൽ ഷെയ്ഖ് അറിയിച്ചു.
വിജയിക്കുമെന്ന് പ്രതീക്ഷിക്കുന്ന ടീമിന്റെ പേര് ഓപ്ഷനുകളില്‍ ഇല്ലെങ്കില്‍ പേര് പ്രത്യേകം രേഖപ്പെടുത്തണമെന്നും തുര്‍ക്കി അൽ ഷെയ്ഖ് കൂട്ടിചേർത്തു. ലോകകപ്പ് വിജയികളെ പ്രവചിച്ച് തന്റെ ട്വീറ്റ് ലൈക്കും ചെയ്യണമെന്നും വിജയസാധ്യതയുള്ള ബ്രസീല്‍, അര്‍ജന്റീന, ഫ്രാന്‍സ്, മൊറോക്കൊ എന്നീ നാലു ടീമുകളുടെ പേരുകള്‍ ഉള്‍പ്പെടുത്തിയ ട്വീറ്റില്‍ തുര്‍ക്കി അൽ ഷെയ്ഖ് പറഞ്ഞു.
