തൊഴിൽരഹിത ഇൻഷുറൻസ്: അപേക്ഷിച്ചത് 60,000 പേർ

ദുബായ്∙ തൊഴിൽ നഷ്ടപ്പെടുന്നവർക്കുള്ള ഇൻഷുറൻസ് പദ്ധതിയിൽ ചേർന്നവരിൽ ഭൂരിഭാഗവും തിരഞ്ഞെടുത്തത് വാർഷിക പാക്കേജ്. പ്രതിമാസം, 3 മാസം, അർധവർഷം, വാർഷികം എന്നിങ്ങനെയുള്ള ഇൻഷുറൻസ് സ്കീമുകളാണുള്ളത്. www.iloe.ae വെബ്സൈറ്റ് വഴിയാണ് കൂടുതൽ പേരും ഇൻഷുറൻസ് എടുത്തത്.

2 ദിവസത്തിനിടെ 60,000 അപേക്ഷകൾ ലഭിച്ചു. 16,000 ദിർഹത്തിൽ കുറവ് ശമ്പളമുള്ളവർക്കു പ്രതിമാസം 5 ദിർഹം നിരക്കിൽ വർഷം 60 ദിർഹമാണ് ഇൻഷുറൻസ് പ്രീമിയം. തൊഴിൽ നഷ്ടപ്പെടുന്ന സാഹചര്യത്തിൽ ഇവർക്ക് 3 മാസത്തേക്ക് 10,000 ദിർഹം ഇൻഷുറൻസ് തുകയായി ലഭിക്കും.

അടിസ്ഥാന വേതനം 16,000 ദിർഹത്തിൽ കൂടുതലുള്ളവർക്ക് പത്ത് ദിർഹം വച്ചു 120 ദിർഹം വാർഷിക പ്രീമിയം. തൊഴിൽരഹിതരായാൽ 20,000 ദിർഹം ഇൻഷുറൻസ് തുകയായി ലഭിക്കും.