ഖത്തർ വീണ്ടും തണുക്കും; ജാഗ്രതാ നിർദേശം

ദോഹ∙ രാജ്യത്ത് ഇന്നു മുതൽ തണുപ്പ് വീണ്ടും കൂടുമെന്ന് അധികൃതർ. ഈ മാസം 21 വരെ കുറഞ്ഞ താപനിലയായിരിക്കും. പകൽ താപനില 18നും 21 ഡിഗ്രി സെൽഷ്യസിനും ഇടയിലും രാത്രി താപനില 12നും 16 ഡിഗ്രി സെൽഷ്യസിനും ഇടയിലുമായിരിക്കും. വടക്കുപടിഞ്ഞാറൻ കാറ്റ് ശക്തിപ്രാപിക്കുന്നതാണ് താപനില കുറയാൻ കാരണം. രാജ്യത്തിന്റെ തെക്കൻ പ്രദേശങ്ങളിലാണ് കൂടുതൽ തണുപ്പ് അനുഭവപ്പെടുക. 

താപനില ഗണ്യമായി കുറയുന്ന സാഹചര്യത്തിൽ നീന്തൽ, ബോട്ട് യാത്രകൾ, ഡൈവിങ്, സർഫിങ്, മീൻപിടിത്ത സവാരി, വിൻഡ്‌സർഫിങ് എന്നിവ ഒഴിവാക്കണമെന്നും അധികൃതർ നിർദേശിച്ചു.

English Summary : Colder weather expected in Qatar from today