ദുബായ്∙ ഇത്തിഹാദ് റെയിലിന്റെ ദുബായിലെ ഏറ്റവും വലിയ പാലം പൂർത്തിയായി. മനുഷ്യനിർമിത തടാകമായ അൽഖുദ്റയ്ക്കു മുകളിലൂടെയുള്ള പാലം പൂർത്തിയായതോടെ എമിറേറ്റിലെ സുപ്രധാന നിർമാണ ഘട്ടം പിന്നിട്ടതായി അധികൃതർ അറിയിച്ചു.

Also read: സഞ്ചാരികളുടെ ഇഷ്ടയിടമായി അബുദാബി

മരുഭൂമി, കടൽ, നഗരം, കാട് തുടങ്ങിയവയ്ക്ക് ഇടയിലൂടെയുള്ള ട്രെയിൻ യാത്ര സഞ്ചാരികൾക്ക് മികച്ച അനുഭവമായിരിക്കും. സൗദി അതിർത്തിയായ ഗുവൈഫാത്ത് മുതൽ ഫുജൈറ വരെ 1200 കി.മീ ദൈർഘ്യമുള്ള ഇത്തിഹാദ് റെയിലിന്റെ 75% ജോലികളും പൂർത്തിയായിട്ടുണ്ട്.

ശേഷിച്ച നിർമാണ പ്രവർത്തനങ്ങൾ അന്തിമ ഘട്ടത്തിലാണ്. ചരക്കുനീക്കത്തിന് മുൻതൂക്കം നൽകി സജ്ജമാക്കി വരുന്ന ഇത്തിഹാദ് റെയിലിൽ 2024 അവസാനത്തോടെ യാത്രാ ട്രെയിൻ ഓടിക്കാനും പദ്ധതിയുണ്ട്.