ദുബായിൽ വൻ ലഹരിമരുന്നു വേട്ട; 28 പേർ അറസ്റ്റിൽ

ദുബായ് ∙ ദുബായിൽ വൻ ലഹരിമരുന്നു വേട്ട. 32 ദശലക്ഷം ദിർഹം വിലവരുന്ന 111 കിലോ ലഹരിമരുന്ന് വിൽക്കാൻ പദ്ധതിയിട്ടിരുന്ന മൂന്നു സംഘങ്ങളെ ദുബായ് പൊലീസ് പിടികൂടി. സംഘത്തിന്റെ ഭാഗമെന്ന് കരുതുന്ന വിവിധ രാജ്യക്കാരായ 28 പേരെ അറസ്റ്റ് ചെയ്തതായി അധികൃതർ അറിയിച്ചു. 

99 കിലോഗ്രാം ക്യാപ്റ്റഗൺ ഗുളികകൾ, ഹെറോയിൻ, 12 കിലോ ക്രിസ്റ്റൽ മെത്ത്, ഹീറോയിൻ, കഞ്ചാവ് എന്നിവ ലഹരി വേട്ടയിൽ ഉൾപ്പെടുന്നു. ക്യാപ്റ്റഗൺ ഗുളികകൾക്ക് മാത്രം 31 ദശലക്ഷം ദിർഹം വിലയുണ്ടെന്ന് പൊലീസ് പറഞ്ഞു. മൂന്നു വ്യത്യസ്ത പൊലീസ് ഓപറേഷനുകളിലായാണ് ഈ വലിയ സംഘത്തെ പിടികൂടിയത്.