തുർക്കിയിലേക്ക് ദുരിതാശ്വാസ വസ്തുക്കൾ ശേഖരിക്കുന്നു

അബുദാബി∙ ഭൂകമ്പം നാശംവിതച്ച തുർക്കിയിലേക്ക് യുഎഇയിലെ തുർക്കിഷ് എംബസി ദുരിതാശ്വാസ വസ്തുക്കൾ ശേഖരിക്കുന്നു. വൻതോതിൽ ദുരിതാശ്വാസ വസ്തുക്കൾ ഉണ്ടെങ്കിൽ സിഎസ്എസ് ഹോംവാർഡ് ബൗണ്ട് ട്രാൻസ്പോർട്ടേഷൻ കമ്പനി വെയർഹൗസിലാണ് എത്തിക്കേണ്ടത്. ഇന്നു രാവിലെ 8 മുതൽ രാത്രി 8 വരെ ഇവ സ്വീകരിക്കും. ധനസഹായം സർക്കാരിന്റെ ഔദ്യോ​ഗിക വെബ്സൈറ്റുകൾ മുഖേന അയയ്ക്കാം.

ആവശ്യമുള്ളവ

മുതിർന്നവർക്കും കുട്ടികൾക്കും ഉള്ള ശൈത്യകാല വസ്ത്രങ്ങൾ, മഴക്കോട്ട്, ബൂട്ടുകൾ, സ്വെറ്റർ, പാന്റ്സ്, ​കൈയുറകൾ, സ്കാർഫ്, തൊപ്പി, സോക്സ്, അടിവസ്ത്രങ്ങൾ (ഉപയോഗിക്കാത്തത്). കേടുവരാത്ത ഭക്ഷണങ്ങൾ, ടിന്നിലടച്ച ഭക്ഷണം, ബേബി ഫുഡ്, ഡയപ്പർ, ശുചീകരണ വസ്തുക്കൾ, സാനിറ്ററി പാഡുകൾ, ടെന്റ്, കിടക്ക, കമ്പിളി, സ്ലീപ്പിങ് ബാ​ഗ്, ടെന്റിലെ കിടക്ക, സ്റ്റൗ വിത് പൈപ്പ്, ഹീറ്റർ, ജനറേറ്റർ, ഫ്ലാഷ് ലൈറ്റ് (ബാറ്ററിയില്ലാത്തത്).

English Summary :  Turkish embassy in UAE collects clothing, blanket donations for earthquake victims