ഭൂകമ്പ ദുരിതാശ്വാസം: പിന്തുണയുമായി യൂണിയൻ കോപ്

ദുബായ് ∙ ഭൂകമ്പ ദുരിതാശ്വാസ പ്രവർത്തനങ്ങൾക്ക് പിന്തുണയുമായി യൂണിയൻ കോപ്. തുർക്കിയിലെയും സിറിയയിലെയും ഭൂകമ്പ ദുരിത ബാധിതർക്കും മാനുഷിക, ജീവകാരുണ്യ സഹായങ്ങളിലും ദുരിതാശ്വാസ പ്രവർത്തനങ്ങളിലും ഏർപ്പെട്ടിരിക്കുന്നവർക്കും അടിസ്ഥാന വസ്തുക്കൾക്കും മറ്റു ഭക്ഷ്യ-ഭക്ഷ്യേതര ഉൽപന്നങ്ങൾക്കും 25% താൽക്കാലിക കിഴിവ് പ്രഖ്യാപിച്ചുകൊണ്ടാണ് യൂണിയൻ കോപ് ഐക്യദാർഢ്യം പ്രകടിപ്പിച്ചത്. 

ഈ സംരംഭം ദുരിതബാധിതർക്ക് പ്രയോജനം ചെയ്യുമെന്ന് അധികൃതർ പറഞ്ഞു. ടെന്റുകൾ, പുതപ്പുകൾ, മെത്തകൾ, തൂവാലകൾ, പായകൾ, ഡിറ്റർജന്റുകൾ, ഭക്ഷണം, ഭക്ഷ്യേതര വസ്തുക്കൾ, ഇരകൾക്കും അവരുടെ കുടുംബങ്ങൾക്കും നൽകാവുന്ന മറ്റ് അടിസ്ഥാന വസ്തുക്കൾ തുടങ്ങിയവയ്ക്ക് യൂണിയൻ കോപ് കിഴിവ് നൽകും.