ഇതുവരെ അയച്ചത് 4,000 കാബിനുകൾ

ദോഹ∙ തുർക്കിയിലെയും സിറിയയിലെയും ഭൂകമ്പബാധിതർക്ക് താമസ സൗകര്യമൊരുക്കാൻ ഇതുവരെ 4,000 കാബിനുകൾ അയച്ചു. കഴിഞ്ഞ വർഷം ഫിഫ ലോകകപ്പിൽ സന്ദർശകർക്ക് താമസമൊരുക്കിയ കാബിൻ യൂണിറ്റുകളാണിത്.

10,000 മൊബൈൽ വീടുകളാണ് ഭൂകമ്പ ബാധിതർക്കായി പ്രഖ്യാപിച്ചിരിക്കുന്നത്. ഓരോ  കാബിനുകളിലും ഒന്നോ രണ്ടോ പേർക്ക് സുഖമായി താമസിക്കാനുള്ള സൗകര്യമാണുള്ളത്. 2 കട്ടിലുകൾ, ചെറിയ മേശ, കസേര, എയർകണ്ടിഷൻ, ടോയ്‌ലറ്റ്, നൈറ്റ് സ്റ്റാൻഡ് എന്നിവയാണുള്ളത്. 

ഭൂകമ്പം ഉണ്ടായ ദിനം മുതൽ രക്ഷാപ്രവർത്തനങ്ങളിലും ദുരിതാശ്വാസ പ്രവർത്തനങ്ങളിലും മെഡിക്കൽ സാമഗ്രികളും ഭക്ഷ്യ വസ്തുക്കളും വിതരണം ചെയ്യുന്നതിലും ഖത്തർ സജീവമാണ്. ഇക്കഴിഞ്ഞ ഫെബ്രുവരി 6ന് ഉണ്ടായ ഭൂകമ്പത്തിൽ 52,000 ത്തിലധികം പേരാണ് മരണമടഞ്ഞത്. ലക്ഷകണക്കിന് ആളുകൾക്ക് വീട് നഷ്ടമായി.

English Summary : Qatar sends 4000 world cup huts to quake-hit Turkey, Syria