റിയാദിൽ രക്തദാന ക്യാംപ് നടത്തി
Mail This Article
റിയാദ്∙ ബ്ലഡ് ഡൊണേഴ്സ് കേരള സൗദി അറേബ്യയുടെ നേതൃത്വത്തിൽ കൊട്ടാരക്കര പ്രവാസി അസോസിയേഷൻ, റിയാദ് ഡ്രൈവേഴ്സ് വൺ എന്നീ സംഘടനകൾ സംയുക്തമായി റിയാദ് കിങ് സൗദ് മെഡിക്കൽ സിറ്റിയിൽ (സുമേസി ഹോസ്പിറ്റൽ) രക്തദാന ക്യാംപ് നടത്തി.
കൊട്ടാരക്കര പ്രവാസി അസോസിയേഷൻ പ്രസിഡന്റ് അലക്സ് കൊട്ടാരക്കര അധ്യക്ഷത വഹിച്ചു. ബ്ലഡ് ഡൊണേഴ്സ് കേരള സൗദി പ്രസിഡന്റ് ഗഫൂർ കൊയിലാണ്ടി ഉദ്ഘാടനം ചെയ്തു. കൊട്ടാരക്കര പ്രവാസി അസോസിയേഷൻ ജനറൽ സെക്രട്ടറി ബിനോയ്‌ മത്തായി ഡ്രൈവേഴ്സ് വൺ കോഒാർഡിനേറ്റർ നാസർ തെച്ചി എന്നിവർ പ്രസംഗിച്ചു.
70 ഓളം അംഗങ്ങൾ രക്തദാനത്തിനു സമ്മതപത്രം നൽകി. ഉസ്മാൻ മഞ്ചേരി, റഷീദ് തൃശൂർ, സഫർ കോതമംഗലം, കൊട്ടാരക്കര പ്രവാസി അസോസിയേഷൻ വൈസ് പ്രസിഡന്റ് സജു മത്തായി, ട്രസ്റ്റി ബിനു ജോൺ, ബിനോദ് ജോൺ, പ്രോഗ്രാം കൺവീനർ റിയാദ് ഫസലുദ്ദീന്‍, ഷൈൻ ദേവ്, അലക്സാണ്ടർ, അഭിലാഷ് പണിക്കർ, ജിജിൻ എന്നിവർ നേതൃത്വം നൽകി.
