ഹറം സെൻട്രൽ ഏരിയയിലെ പള്ളികളിലും പെരുന്നാൾ പ്രാർഥന
Mail This Article
×
മക്ക ∙ മക്കയിലെ ഹറം പള്ളിക്ക് ചുറ്റുമുള്ള സെൻട്രൽ ഏരിയയിൽ തയാറാക്കിയ പള്ളികളിലും പെരുന്നാൾ പ്രാർഥന നടത്താൻ ഇസ്ലാമിക കാര്യ മന്ത്രി ഷെയ്ഖ് ഡോ. അബ്ദുൽ ലത്തീഫ് അൽ ഷെയ്ഖ് നിർദ്ദേശിച്ചു. നിലവിൽ മക്കയിൽ തീർഥാടകരുടെയും സന്ദർശകരുടെയും എണ്ണം കൂടിയതിനെ തുടർന്നാണ് നടപടി.
പെരുന്നാൾ സമയത്ത് മക്കയിലെ സന്ദർശകർക്കും തീർഥാടകർക്കും സേവനം നൽകുന്ന പള്ളികളുടെ എണ്ണം 562 എത്തിയതായി മന്ത്രാലയം അറിയിച്ചു. രാജ്യത്തിനകത്തും പുറത്തും നിന്നുള്ള ദശലക്ഷക്കണക്കിന് തീർഥാടകരുടെയും സന്ദർശകരുടെയും വരവിന് റമസാനിലെ അവസാന പത്ത് ദിവസങ്ങൾ സാക്ഷ്യം വഹിക്കുന്നു. റമസാനിലെ 27–ാം രാവിൽ 2.6 ദശലക്ഷത്തിലേറെ തീർഥാടകരും ആരാധകരുമെത്തി. ഇത് റെക്കോർഡ് സംഖ്യയാണ്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.