സഹകരണം ശക്തമാക്കാൻ യുഎസ്– സൗദി ചർച്ച

റിയാദ്∙ യുഎസും സൗദിയും തമ്മിലുള്ള ഉഭയകക്ഷി ബന്ധം ശക്തിപ്പെടുത്തുന്നതും സഹകരണം കൂടുതൽ മേഖലകളിലേക്കു വ്യാപിപ്പിക്കുന്നതും സംബന്ധിച്ച് യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കനും സൗദി കിരീടാവകാശി മുഹമ്മദ് ബിൻ സൽമാനും ചർച്ച നടത്തി.

റിയാദിലെ അൽസലാം കൊട്ടാരത്തിൽ നടത്തിയ കൂടിക്കാഴ്ചയിൽ മേഖലാ, രാജ്യാന്തര വിഷയങ്ങളും ചർച്ച ചെയ്തു.യുഎസിലെ സൗദി സ്ഥാനപതി റീമ ബിൻത് ബന്ദർ, വിദേശകാര്യ മന്ത്രി ഫൈസൽ ബിൻ ഫർഹാൻ, സഹമന്ത്രിയും ദേശീയ സുരക്ഷാ ഉപദേഷ്ടാവുമായ ഡോ. മുസാഅദ് അൽഈബാൻ എന്നിവരും ചർച്ചയിൽ പങ്കെടുത്തു.

English Summary: US.Secretary of State Antony Blinken meets Saudi Crown Prince Mohammed bin Salman