ADVERTISEMENT

ദുബായ് ∙  മലങ്കര കത്തോലിക്കാ സഭയുടെ യുഎഇ യിലെ കേന്ദ്ര സമിതിയായ മലങ്കര കാത്തലിക് കൗൺസിൽ ഏർപ്പെടുത്തിയ മലങ്കര സോഷ്യൽ സർവീസ് അവാർഡ് വിതരണം ചെയ്തു. മലങ്കര കത്തോലിക്കാ സഭാ അധ്യക്ഷൻ കർദിനാൾ ബസേലിയോസ് ക്ലീമിസ് കാതോലിക്കാ ബാവ ദുബായ് സെന്റ് മേരീസ് ദേവാലയത്തിൽ വെച്ചു നടന്ന ചടങ്ങിൽ വെച്ച് അവാർഡുകൾ വിതരണം ചെയ്തു. ജീവ കാരുണ്യ പ്രവർത്തനത്തിനുള്ള അവാർഡ് യുഎയിലെ സാമൂഹ്യ പ്രവർത്തകനായ സിജു പന്തളത്തിനും സാഹിത്യ മേഖലയിലെ സംഭാവനകൾക്ക് യുവ കഥാകൃത്ത്‌ ജോയ് ഡാനിയേലിനും അവാർഡ് ലഭിച്ചു . സിജു പന്തളം കുടശ്ശനാട്‌ പോക്കാട്ടുചിറ വടക്കേക്കര കുടുംബാംഗമാണ് . 

പത്തനംതിട്ട ജില്ലയിലെ കൂടൽ സ്വദേശിയായ ജോയ് ഡാനിയേൽ വാത്തിപ്പറമ്പിൽ കുടുംബാംഗമാണ് . ഷാർജ പുസ്തകോത്സവത്തിൽ പ്രകാശനം ചെയ്ത "ഇമ്മിണിപ്പിലാവ്" എന്ന കഥാസമാഹാരം ഇപ്പോൾ വിപണിയിൽ ലഭ്യമാണ് മലങ്കര കത്തോലിക്കാ സഭാ യുഎഇ കോർഡിനേറ്റർ ഫാ.ഡോ.റെജി മനക്കലേട്ട് , ഫാ.മാത്യൂസ് ആലുംമൂട്ടിൽ , മലങ്കര കൗൺസിൽ യുഎഇ പ്രസിഡന്റ് ഷാജു ബേബി , സെക്രട്ടറി രാജേഷ് ജോൺ , ട്രഷറർ അലക്സ് കെ ബേബി , ഡാനിയേൽ ജോൺ , ആൻസി ഫിലിപ്പ് , മാത്യൂസ് എബ്രഹാം , ജോർജ് വില്യംസ് തുടങ്ങിയവർ പരിപാടിക്ക് നേതൃത്വം നൽകി.

English Summary:

UAE Malankara Catholic Social Service Awards announced

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com