ഖത്തറിൽ ചരിത്രരേഖകളുടെ ശേഖരവുമായി ദേശീയ ആർക്കൈവ്സ് തുറന്നു

ദോഹ ∙ ഖത്തറിന്റെ ചരിത്രരേഖകൾ സൂക്ഷിക്കുന്നതിനുള്ള ദേശീയ ആർക്കൈവ്സ് അമീർ ഷെയ്ഖ് തമീം ബിൻ ഹമദ് അൽതാനി ഉദ്ഘാടനം ചെയ്തു. അമീരി ദിവാന്റെ കീഴിലാണ് ദേശീയ ആർക്കൈവ്സ്. രാജ്യത്തിന്റെ ചരിത്രം, രേഖകളുടെ ശേഖരം, വിവിധ സർക്കാർ വകുപ്പുകളെയും അവയുടെ പ്രവർത്തനങ്ങളെയും കുറിച്ചുള്ള വിവരങ്ങൾ എന്നിവയെല്ലാമാണ് ഇവിടുള്ളത്. ദേശീയ ആർക്കൈവ്സിൽ സൂക്ഷിച്ചിരിക്കുന്ന ചരിത്രരേഖകളുടെയും മറ്റു വിവരണങ്ങൾ അറബിക്കിലും ഇംഗ്ലിഷിലുമായാണ് നൽകിയിരിക്കുന്നത്.