കുവൈത്തിൽ നിന്ന് പ്രവാസികൾ അയയ്ക്കുന്ന പണം കുറയുന്നു

കുവൈത്ത് സിറ്റി ∙ കുവൈത്തിൽനിന്ന് വിദേശത്തേക്കുള്ള പണമൊഴുക്ക് 28.47% കുറഞ്ഞു. 2023ൽ 386.7 കോടി ദിനാറാണ് പ്രവാസികൾ അയച്ചത്. 2022ൽ ഇത് 540.6 കോടിയായിരുന്നെന്ന് കുവൈത്ത് സെൻട്രൽ ബാങ്കിന്റെ കണക്കുകൾ സൂചിപ്പിക്കുന്നു. വിദേശത്തേക്കുള്ള പണമൊഴുക്കിൽ 2017 മുതൽ 2021 വരെ ക്രമാനുഗത വളർച്ച പ്രകടമായിരുന്നുവെങ്കിലും 2022 മുതൽ കുറയുകയാണെന്നും ചൂണ്ടിക്കാട്ടുന്നു. കുവൈത്തിൽ സ്വദേശിവൽക്കരണം ശക്തമാക്കിയതും വീസ നിയന്ത്രണവുമെല്ലാം പണമൊഴുക്ക് കുറയ്ക്കുന്നതിലേക്കു നയിച്ചതായാണ് സൂചന.