ശോഭന ജോർജിന് യുഎഇ ഗോൾഡൻ വീസ

ദുബായ് ∙ മുൻ എംഎൽഎ ശോഭന ജോർജിന് യുഎഇ ഗോൾഡൻ വീസ. ഇസിഎച്ച് ഡിജിറ്റൽ ആസ്ഥാനത്ത് സിഇഒ ഇഖ്ബാൽ മാർക്കോണിയിൽ നിന്ന് ശോഭന ജോർജ് പത്ത് വർഷ വീസ ഏറ്റുവാങ്ങി.

മൂന്ന് തവണ ചെങ്ങന്നൂർ മണ്ഡലത്തെ പ്രതിനിധീകരിച്ച് നിയമസഭാ സാമാജികയായിരുന്ന ശോഭന നിലവിൽ കേരള സർക്കാരിന് കീഴിലെ പൊതുമേഖലാ സ്ഥാപനമായ  ഔഷധിയുടെ ചെയർപേഴ്സൺ കൂടിയാണ്. നേരത്തെ നടനും എംഎൽഎയുമായ മുകേഷ്, മന്ത്രി കെ. ബി. ഗണേഷ് കുമാർ എന്നിവരുൾപ്പെടെ ഒട്ടേറെ കലാ, സാംസ്‌കാരിക, സാഹിത്യ, സംഗീത മേഖലകളിലെ ഇന്ത്യൻ പ്രതിഭകൾക്ക്  ഗോൾഡൻ വീസ ലഭിച്ചിരുന്നു.